പിരാന്ത്

വര്‍ഷങ്ങളായി കൊണ്ട് നടക്കുന്ന ഒരു ആഗ്രഹമാണ് സ്വന്തമായിട്ട് ഒരു നാല് ചക്ര വാഹനം മേടിക്കുക എന്നത്. ഈ ടൂവീലര്‍ ഓടിച്ച് മതിയായി. വീട്ടുകാരുമൊക്കെയായി സമാധാനത്തില്‍ യാത്ര ചെയ്യാന്‍ ടൂവീലര്‍ പറ്റില്ല. പിന്നെ ഇടക്ക് ഒരു ടൂര്‍ പോകണമെന്ന് തോന്നിയാല്‍, കൂട്ടുകാരുമൊന്നിച്ച് ഒരു സെക്കന്റ് ഷോക്ക് പോകാന്‍, മഴക്കാലത്ത് യാത്ര ചെയ്യാന്‍....പോര ടൂവീലര്‍ പോര.

അങ്ങിനെ ഞാന്‍ തീരുമാനിച്ചു, ആരുടേയെങ്കിലും കാലുപിടിച്ച് ഒരു ലോണ്‍ ഒപ്പിക്കണം. EMI എന്തെങ്കിലും അടവുകള്‍ ഇറക്കി അടച്ച് തീര്‍ക്കണം.
അപ്പൊഴുണ്ട് ദേ വേറൊരു പ്രശ്നം, പ്രശ്നമല്ല കണ്‍ഫ്യൂഷന്‍... ഏത് വണ്ടി മേടിക്കും. ഇഷ്ടപ്പെട്ട പേരൊക്കെ നോക്കിചെന്നപ്പം അത് വെറും സ്വപ്നമായിതന്നെ ഇരിക്കട്ടെ എന്ന് വിചാരിച്ചു, നമ്മുടെ കൊക്കിലൊതുങ്ങുന്നത് നോക്കിവരുമ്പോള്‍ തോന്നും അതിലും ഭേദം ടൂവീലര്‍ ആണെന്ന്. അങ്ങിനെ മാസങ്ങളോളം നീണ്ടുനിന്ന ആലോചനക്കൊടുവില്‍ ഞാന്‍ തീരുമാനിച്ചു “ടിപ്പര്‍”


ഇവനെപ്പോലെ ഒരുത്തനെ അങ്ങ് പൊക്കാം. നമ്മുടെ നാട്ടിലെ റോഡ് നോക്കിയാല്‍ ഇന്ന് ഏറ്റവും സേഫ് ആയി സഞ്ചരിക്കാന്‍ ഇവനെക്കഴിഞ്ഞേ ആളുള്ളൂ...